चाडपर्वका लागि बजारमा पर्याप्त खाद्यान्न छ प्रकाशित मिति : आश्विन २६, २०८० शुक्रबार कौशिला कुँवर 1.6k Shares कुमुदकुमार दुगड/ अध्यक्ष, नेपाल चामल–तेल–दाल उद्योग संघ चाडपर्व नजिकिएको छ, बजारमा खाद्यवस्तुको माग र आपूर्तिको अवस्था कस्तो छ ? चाडपर्व नजिकिएको अवस्थामा बजारमा खाद्यवस्तु आपूर्तिमा कुनै समस्या छैन । सहज रूपमै आपूर्ति भइरहेको छ । चिनीबाहेक अन्य दैनिक उपभोग्य वस्तुमा अहिले कुनै समस्या छैन । पछिल्लो समय चिनीबाहेक अन्य वस्तुमा मूल्य पनि घटेको छ । बजारमा भनेजस्तो महँगो छैन । दुई/तीन महिनाअघिको मूल्यभन्दा खाद्यवस्तु चामल, तेल र मैदा सस्तो भएको छ ।३ हजार २ सय बोरा पर्ने मैदा घटेर अहिले २८ देखि २९ सय रुपैयाँमा आएको छ । यस्तै तोरीको तेल पनि प्रतिलिटर १० देखि २० रुपैयाँ घटेको छ । चामल, दाल गेडागुडी महँगो भएको छैन । चाडपर्व नजिकिए पनि यसपटक विगतको जस्तो माग छैन । दसैं आउन केही दिनमात्र बाँकी हुँदा बजार सुनसान छ । दसैं आएको जस्तो केही अनुभूति व्यापारीमा भएको छैन । यसपटक डरलाग्दो अवस्था छ । व्यापार ठप्प छ । पसल सुनसान छन् । विगतमा दसैं नजिकिँदै गर्दा पसलमा सामान खरिद गर्नेहरूको भीड ल...
